Мәтін тұтастай бата-тілек айтуға құрылған. Ішінара шариғатқа ұйытып, ізгілікке шақыру да қамтылады. Өлең құрылысы төрт, алты, жеті, сегіз тармақтан тұрады. Аралас буынды, өлең түрінде айтылады.

Екі шумақты қысқа ғана мәтінде бата-тілекпен қоса, үй иесіне мақтау-мадақ айтылады. Өлең өзара жұптасқан егіз ұйқасқа құрылған. Аралас буынды өлең үлгісінде келеді.

Өлең өзге мәтіндерге қарағанда көлемді әрі көркемдік қуаты жоғары. Мәтінге жаңа мазмұнды тармақтар қосылған. Он бір буынды өлең үлгісімен айтылады.

Мәтіннің негізгі идеясы басқа нұсқалардағыдай имани құндылықтарды дәріптеу, бата беру, мадақтау болғанымен, өлең тармақтарында біршама мағыналық өзгешеліктер кездеседі. Дегенмен қалыптасқан жаттанды жолдар басым. Өлең аралас ұйқасқа құрылған. Он бір-он екі буынды өлең үлгісінде келеді.

Бұрын жарияланбаған бұл мәтінде ислам дінін дәріптеп, үй иесіне алғыс, бата-тілек айтылады. Өлеңнің көп бөлігі бұрын айтылып жүрген жаттанды жолдардан құралған. Он бір буынды қара өлең үлгісіне құрылған.

«Жарамазанның» бұл мәтіні де тұрақты тармақтардан құралған. Мәтінде имандылыққа шақырумен қоса, үй иесінің жомарттығы, мәрттігі қамтылады. Он бір-он екі буынды өлең үлгісінде келеді.

Бұрын-соңды жарияланбаған бұл мәтіннің кейбір жолдары қалыптасқан жаттанды шумақтардан құралған. Мазмұны жағынан ислам шарттарын уағыздау, үй иесін мадақтау сынды шарттылыққа құрылған. Он бір-он екі буынды қара өлең үлгісінде айтылады.

Бұрын-соңды жарияланбаған бұл мәтіннің кейбір жолдары қалыптасқан жаттанды шумақтардан құралған. Мазмұны жағынан ислам шарттарын уағыздау, үй иесін мадақтау сынды шарттылыққа құрылған. Аралас буынды қара өлең үлгісінде айтылады.