Қазақстан Президенті Қасым-Жомарт Тоқаевтың Жарлығымен 2026 жыл ресми түрде «Цифрландыру және жасанды интеллект жылы» болып жарияланды және мемлекеттік басқару, экономиканы трансформациялау мен инфроқұрылымын жетілдіруде ауқымды шаралар жүзеге асырылуда. Әдебиет пен өнерді зерттеудегі бас ғылыми мекеме — Әуезов институты осы бағытта аса бай қазақ қолжазбаларының ұлттық тізілімін құруды қолға алды және осы ақпараттық онлайн ресурс өмірге келді.
Қолжазба мұра – гуманитарлық бірегейліктің негізгі ресурстарының бірі. Түркі руникалық ескерткіштері мен араб графикасындағы мәтіндерден бастап, ХХ ғасырдағы кирилл, латын графикасымен жазылған қолжазбаларға дейінгі алуан түрлі жазба дәстүрін бастан өткерген Қазақстан үшін «Қазақ қолжазбаларының ұлттық реестрін» жасау бастамасы стратегиялық маңызы зор міндеттер қатарынан саналады. Осы орайда әртүрлі ұйымдардың қорларындағы материалдарды цифрлық есепке алу, жүйелеу және ғылыми сипаттау зерттеулердің өзара сабақтастығын қамтамасыз етіп, бұл саладағы ұлттық әрі халықаралық ынтымақтастыққа негіз қалайды.
Ұлттық реестрді құру цифрлық гуманитаристикадағы жаһандық үрдістерге, ашық деректер саясатына, UNESCO-ның «Әлем жады» бағдарламасы стандарттарына және FAIR халықаралық қағидаттарына (Findable, Accessible, Interoperable, Reusable) сәйкес келеді.
| ФОЛЬКЛОР, барлығы | 746 |
| Балалар фольклоры | 22 |
| Үйлену фольклоры | 78 |
| Азалау фольклоры | 10 |
| Маусымдық фольклор | 12 |
| Кәсіптік фольклор | 5 |
| Магиялық фольклор | 3 |
| Эпос | 42 |
| Өлең | 3 |
| Прозалық фольклор | 287 |
| Айтыс | 13 |
| Шағын жанрлар | 4 |
| АВТОРЛЫҚ АУЫЗ ӘДЕБИЕТІ, барлығы | 35 |
| Поэзия | 4 |
| Проза | 5 |
| Шешендік сөз | 1 |
| Ақындар айтысы | 22 |
| АҚЫН-ЖАЗУШЫЛАР ШЫҒАРМАШЫЛЫҒЫ, барлығы | 7 |
| Поэзия | 5 |
| Проза | 4 |
| Драма | 3 |
| ЭТНОГРАФИЯ, барлығы | 8 |
| Этнографиялық материалдар | 5 |
| Хаттар | 1 |
| Құжаттар | 2 |
