Мәтін қара өлең үлгісінде айтылады. Өлең көркемдігі кемелденген, эстетикалық қуаты жоғары тармақтардан құралған. Мазмұндық-идеялық жағынан қалыптасқан сыңсудың ізі бойынша жазылған. Мұңды, элегиялық сарын өлеңнің әр жолдарынан аңғарылады. Өлең аралас буынға құрылған.

Мәтін қара өлең үлгісінде айтылады. Өлең көркемдігі кемелденген, эстетикалық қуаты жоғары тармақтардан құралған. Мазмұндық-идеялық жағынан қалыптасқан сыңсудың ізі бойынша жазылған. Мұңды, элегиялық сарын өлеңнің әр жолдарынан аңғарылады. Өлең аралас буынға құрылған.

Өлең тармақтары толымды өлшеммен, қисынды ұйқаспен айтылады. Өлеңнің 1, 2, 4-жолдары өзара ұйқасып, 3-ші тармағы бос қалып отырады. Өлең аралас буынды қара өлең үлгісінде келеді.

Мәтін салиқалы мазмұнға құрылған толғау үлгісінде келеді. Өлең мазмұны жанрлық табиғатынан алшақтамайды, яғни қалыңдықтың мұң-шері, ішкі назы қоштасу сарынымен айтылады. 7, 8, 9 буынды тармақтарға негізделген.

Шағын үш шумақтан ғана тұратын бұл сыңсуда қыз бала туған босағасымен, ата-анасымен қоштасады. Мәтін толық емес.

Орынбор қазақтары арасында кең таралған сыңсу. Мәтінде жергілікті сөздер (мысалы: «шәйкиіз», «қызыл шарқат») көптеп кездеседі. Бойжеткен туған-туыс, ата-ана, бауырларымен жеке-жеке қоштасады.

Бұл сыңсуда ұзатылғалы тұрған қыз сөзін жеңгесіне арнап қоштасады. Сыңсудың көпшілігінде қыз анасына не ауырына келіп-кетіп жүргейсің десе, бұл сыңсуда қыз жеңгесінің келуін сұрайды. Тек ең соңғы шумағында бауырымен қоштасады. Мазмұнынан қыздың малға сатылып, өз еркімен кетпегені байқалады.

Қысқа 3 шумақтан тұратын мәтінде қыздың жатжұрттық екендігі, еркелеп өскен ерке қыздың назы айтылады. Кейінгі жылдарда жазылып алынған мәтін болғандықтан, бірнеше шумағы ұмытылып қалған болуы керек.