Байбөрінің Алпамыстан басқа ұлы болмайды. Әкесі Шекті руынан шыққан Сарыбайдың қызы Күлбаршынды айттырады. Бірақ Сарыбай жалғызға қызымды бермеймін деп, көшіп кетеді. Барған жерінде қалмақтың Қараман деген батыры Күлбаршынға үйленемін деп әуреге түседі. Байбөрінің есігінде жүрген Күлтай деген күңінен алып денелі Ұлтанның туғаны, Байбөрінің той жасауы, Алпамыстың кемпірден Күлбаршын есімді қалыңдығы барын естігені, Байшұбарға мініп, Күлбаршынды іздеп шыққаны баяндалады. Қалмақ батыры Қараманмен соғысып, оны жеңіп, Күлбаршынға үйленеді. Алпамыс Тайшыққа қарсы соғысқа кетеді. Баласының атын Жәдігер деп қойыңдар деп тапсырады. Батыр жалмауыз кемпірдің алдауына түсіп, зынданға тасталады. Онда 7 жыл жатады. Қаракөзайымның көмегімен зынданнан шығып, ата-анасына жәбір көрсеткен Ұлтанқұлдан кегін алып, мұратына жетеді.

Бұғы батырдың ерлігі, үйленуі жайында баяндалған. Балықшы шал мен кемпірдің жеті жасар жалғыз баласын жайын жұтып, елсіз бір аралдан келіп шығады. Кемемен келе жатқан саудагерлер баланы Мысыр шаһарына алып келеді. Қала жендеттері кісі өлтірдің деп пәле жауып, Шағанды патшс сарайына табыс етеді. Мысыр шаһарының бас уәзірінің қызы Бағдагүл Шағанды көріп, ғашық болады. Бірақ қыздың айдаһарға жем болатын кезекті күні таяу екен. Ай сайын үлкен қауіп төндірген айдаһарды Бұғы батыр өлтіріп, қала халқын таң қалдырады. Бағдагүл Бұғы батырға қосылады.