Өлеңде жас келіннің сол шаңырақтың алдындағы міндеті, құрметі, әдеп-ибасы, іс-әрекеті барлығы өз ретімен айтылып келеді де, әулеттің бұрынғы өткен аруақтарына, үлкендеріне, ағайын-туысқа сәлем салдырып, келіннің бетін ашып, көпшілікке көрсетеді.

Ел арасына таралып, тойларда жиі айтылатын беташардың бірі. Мәтіннен кейінгі жылдары айтылып жүрген беташар екені білінеді.

Шаңыраққа жаңа енген жас келіннің құтты қадамына тілекстестік айтыла келіп, келінді сол әулеттің барлық үлкен-кіші, ағайын-туысымен таныстырады. Соынмен қатар үлкендер алдындағы қызметін мүлтіксіз атқарып, елге сыйла болуын, әулет жүзін жерге қаратпайтын әдепті, ибалы келін болуының шарттарымен, жөн-жоралғылармен таныстырылады.

Қазақ халқының дәстүрлі беташарларының бірі. Мәтінде ұлттық салт-дәстүрге қатысты өсиеттер мен ырым-тыйымдар айтылады. Қайынатадан бастап сәлем салғызады. Қайынағаға сәлем салғаннан бастап мәтін үзіледі. Беташар аяқталмаған.

Жас келіннің бетін ашқалы тұрған ақын жігіт думанды тойға жиналған көпшілікке салмақты сөзден насихат айтып, сол арқылы жеңе түскен келінге де тәрбие беріп, шаңырққа енгеннен кейінгі келіннің жүріс-тұрысы, әдеп-ибасы, ізет, құрметі барлығы жан-жақты астарлап, ашық та айтылады.

1990 жылдары ел арасына кеңінен таралған беташардың бірі.

Беташарда ақын жігіт қазақы дәстүрдің ел берекесін ұстап тұрудағы ерекше рөлін айта отырып, енді сол елдің арасына енгелі тұрған жас келіннің де қалыптасқан дәстүрді берік ұстанып, үлкенді құрметтеп, кішіні аялап, сый-құрметін түсірмей, әулет абыройын асқақтата түсуді өлеңмен өрбітеді. Жиналған әлеуметтің алдында келіннің бетін ашып, көпшілікке көрсетеді.