Шын Машын шаһарының патшасы Сақмарданның 20 жасында Марғау шаһарының патшасы Айнақұлдың жалғыз қызы Салмұр сұлуға ғашық болуы, Салмұр сұлудың ақылдылығының арқасында бір-бірімен қосылып мұраттарына жетуі, Сақмардан патшаның қасына ертіп барған қолбасшысы Ділмардың жай шаруа қызы Мүнайға ғашық болып, онымен үйленуі хикая етіледі.

Ертеде Орманбет деген кісінің сиқыршы ашына әйелі болады. Ол әйел Орманбеттің бәйбішесін бірде киік, бірде қарақұс етіп сиқырлайды. Киік түріндегі әйел бір мергеннің көмегімен адам түріне еніп, асқан сиқыршы болады да, ашына әйелді Орманбетпен қоса есек қылып жібереді, сөйтіп кегін алады.

Мысыр шаһарының патшасы Мақмұт алпыс төрт жасында ауыр сырқатқа шалдығады. Барлық дәрігерлер мен ғұламалар жиналып, оның ауруын емдеуге тырысады. Ақырында Шыңжаңдағы Суарданың қызы Рисал сұлудың ем болатыны анықталады. Патша Рисалды алдырып, оның емін қабылдап, ауруынан айығады. Рисал сұлудың ерекше сұлулығына қызыққан патша оған үйленеді. Алайда Рисалдың өзіндік шарты болады: патша оның үш тілегін орындауы керек. Патша бұл тілектерді қабылдайды. Рисалдың бірінші тілегі бойынша оның бес уәзірінің бірі Рашидке еркіндік беріледі. Кейін Рисалдың күйеуі қайтыс болып, Мұрқан атты ұлы таққа отырады. Мұрқан ақылды, ер жеткен жігіт болып, патшалықты басқарады. Хикаяда Мұрқанның және басқа кейіпкерлердің Самал, Жайпыр, Ғажап, Шекнар, Шакир, Сайлам, Сарығын, Майгүл, Анархан, Біләл, Амт, Шумасен, Жанар, Айқа атты он бес сұлуға байланысты оқиғалары баяндалады. Сұлулардың әрқайсысының ерге шығуы мен тағдыры жеке-жеке хикая етіледі.