«Бесік жырының» бір нұсқасы болып саналатын бұл мәтін құрама шумақтардан тұрады. Мәтін мазмұнында ұл баланы уатумен қоса, батыр болсын деген тілек айтылып, бөбектің келешегіне зор сенім артады.

Айтушы баланы бесікке салу дәстүрінде айтылатын өлеңдер мен ырымдарды өз білгенінше баяндайды. Бірінші бесікке бөлердегі айтылатын өлең, сосын бесікті аластау өлеңі, бесіктен шешіп алғанда айтылатын төрт жол өлең. Нәрестенің тұсауын кесу кезінде айтылатын жырмен аяқтайды.

Дәстүрлі бесік жырларының бірі. Жаттанды өлең ұйқастарымен қатар, «отыз қызды олжалап, алып келе жатыр, балам» деген сияқты жаңа өлең жолдары да кездеседі.

Бесік жыры сұрақ-жауап ретінде айтылады. Өте қызықты, дидактикалық маңызы жоғары бесік жырларының бірі.

Жырдың бастапқы шумақтарында ұйқастары әртүрлі. Айтушы жырдың біраз жолын ұмытып қалған сияқты. Мәтіннің соңы дәстүрлі бесік жырымен аяқталады.

Ел ішіне кеңінен таралған бесік жырларының бірі. Мәтінде жергілікті сөздер көптеп кездеседі.

Мазмұн байлығы, поэтикалық құрылымы жағынан бесік жырының өзге мәтіндерімен үндеседі. Сөз құрылысы бір сарынды, баланы уату үшін орындалатындықтан, ырғағы мен екпіні бесіктің тербелісіне ыңғайлас айтылады. Төрт шумақты өлең мәтіні 7-8 буынды жыр түрінде келеді.

Мәтін тұрақты нұсқа болмаса да, ежелден ел арасында айтылып, қалыпқа түскен дәстүрлі үлгіде келеді. 20 тармақты өлеңнің алғашқы жеті жолы 7-8 буынды жыр түрінде айтылады. Он үш тармақты екінші шумақтағы нәзік лирикалық көңіл-күй, негізгі идея диалогтік сөйлесім әдісі арқылы беріледі.