Күміс шам - Qazaq qoljazbalary

Қазақ қолжазбаларының жеке сипаттамасы

Күміс шам.

1. Реестрдің идентификаторы

2. Қолжазбаның атауы (түпнұсқалық атауы)

Күміс шам.

3. Авторы (Айтушы)

Белгісіз.

4. Жинаушы, тапсырушы:

Асылхан Баймағанбетов. 1934 жылы Қостанай облысы, Заготобол ауданы, Еңбек колхозында туған.

5. Қашан, қайда жазылған (қорға түсуі, экспедициясы)

1953 жылы Қостанай облысында жазылған.

6. Мекеме (қор иесі)

М.О.Әуезов атындағы Әдебиет және өнер институты

7. Шифры

133, 1-дәптер.

8. Бет, жол саны, өлшемі

П. 1–25; Б. 25; Ж. 36; 19,5×27; 10,5×25,5

9. Материалы (қағазы, сиясы), жағдайы

Қолжазба бір жолды қағазға көк сиямен жазылған. Қолжазба ақ қағазбен тысталған.

10. Қолжазба графикасы

Кирилл.

11. Жанры

Хикалық дастан.

12. Қысқаша мазмұны

Дастанда ақымақ Сайым ханның түсі және батыр, дана Масау хан түсінде көрген сұлу қызды іздеп табуы баяндалады. Қызды іздеу жолында Масау күміс шам тауып алады. Шамның ішінен иесінің тілегін орындайтын екі сарбаз шығып, олардың көмегімен Масау қызды тауып, оның құпияларын ашады. Екеуі қосылған соң, қыз сиқырлы шамды біліп, Масаға қастандық жасайды, бірақ кейін қатесін түсініп, олар қайта табысады. Қартайған Сайым хан екеуіне бақыт тілеп, тағын ұсынады; сөйтіп, Масау екі елдің ханы болып, бақытты өмір сүреді.

13. Басы:

Бұл ертек келе жатқан ел мұрасы…

14. Соңы:

Кетіпті жер астына топты қарға.

15. Қосымша мәлімет

Осы қолжазбаның машинкаға басылған көшірмесі (Асылхан Баймағанбетов бастырған) осы папкада қоса берілген.

16. Сандық көшірменің болуы

17. Сипаттаманы дайындаған:

Асқар Тұрғанбаев