«Орқа–Күлше» дастанында бала кезінен атастырылып, кейін қосылған Орқа мен Күлшенің махаббаты баяндалады. Күлшенің сұлулығына қызыққан Бәни Омар мен Мәлiк Мақсан оны тартып алуға әрекет жасайды. Орқа Бәни Омарды жеңгенімен, өзі елден кеткен кезде Күлшенің әкесі Қалел дүние үшін қызын Мақсанға бермек болады. Орқаға Күлшенің өлгені туралы жалған хабар жеткізіліп, ол қатты қайғырады, ал Күлше Мақсанның қолында қалады. Алайда Күлше Орқаға деген адалдығынан айнымайды. Кейін Орқа Күлшенің тірі екенін біліп, оны іздеп тауып, екеуі қайта қауышады. Мақсан олардың шынайы махаббатын түсініп, екі жастың қосылуына мүмкіндік береді.