Елсізде мекен еткен шал мен кемпірдің жалғыз Еркетай деген қызы болады. Ол ботадайынан бағып жүрген Еркеатан деген тайлағын көзден таса қылмайтын көрінеді. Бір күні үйінде кесте тігіп ұзақ отырып қалған қыздың есіне Еркеатаны түсіп, далаға шықса жақын жерден тайлағы көріне қоймайды. Іздеуге тау басына шығып қараса анадайдан батпаққа түсіп қалған Еркені көріп, қыз үйдегі әкесінен көмек сұрап айқайлайды. Бірақ әкесі ести қоймай, қыз анадайдан келе жатқан салт аттылардан көмек сұрап айқайлаған екен. Қыздың осы айқайлап айтқанын домбырашылар күй қып тартыпты.