Жастайынан сиқыр оқыған ағайынды екі жігіт Қали мен Қази бірі балық болып, бірі құс болып, елден алысқа кетеді. Қали бөтен бір қаладағы кемпірге көмектесіп, нан сатып жүреді. Сөйтіп жүріп ханның қызына ғашық болады. Сиқыр жасап, қызды үйіне алдырады. Хан тіккен жамбыны атып түсіріп, Қали қызды алады. Көрші елде қол бастап, жауын жеңіп жүрген Қазиды сиқырмен жеңіп, өлтіреді. Інісі екенін білген соң тірілтемін деп әуреленеді. Дәрісі мен өнері жетсе де, өлгенді қайта тірілту мүмкіндігі жоқ екенін мойындайды.
