Ерте заманда бір шаруаның есімдері бір- біріне ұқсас Қапты, Бапты, Сақты атты үш ұлы болыпты. Шаруаның алма бағындағы алмаларын бір алтын құс күнде шұқып жеп кетеді екен. Шаруаның ұш ұлы күнде кезекпен бақты күзетіп жүреді. Шаруаның кіші ұлы Сақты бір күні құсты ұстап алады, бірақ ол жұлқынып босанып кетеді. Сақтының қолында құстың бір қанаты ғана қалады. Әкесі үш баласын құсты тауып әкелуге жұмсайды. Құсты іздеп шыққан Сақтыға жолында бір қасқыр кездесіп, баланың астындағы атын жеп қояды. Бірақ жаяу қалған балаға қасқырдың жаны ашып, құсты тауып беруге өзі себепкер болады. Қасқыр құспен бірге Сақтыға жақсы ат, сұлу қыз да алып береді.