Ертеде бір патшаның Асан, Үсен, Хасен атты үш ұлы болады. Бір күні патша балаларына: «Мен түсімде күлсе аузынан будақ-будақ гүл түсетін, жыласа көзінен моншақ-моншақ маржан түсетін құс көрдім. Осы құсты тауып әкеліңдер», — деп тапсырма береді. Асан мен Үсен бір бөлек, Хасен өзі іздеуге шығады. Патшаның кіші ұлы Хасен көптеген қиыншылықтарды жеңіп құсты табады. Еліне келе жатқан жолда ағалары жолығып, оған қастық жасайды. Құстың бұрынғы иелерінің көмегімен ажалдан аман қалып, өз мақсат-мұратына жетеді.
