Адайдың екі ұлы болды. Оның біреуі Құдайке, екіншісі Келімберді. Құдайкенің үйі, малы суға ағып кетеді. Үй-малдан айырылған соң інісі Келімбердіге келіп қоныстанады. Екі көзінен айырылып, қаріп болып қалады. Бір күні Келімбердінің үйіне жалғыз басты Түрікпен әйелі келіп паналайды. Келімбердінің жұбайы сол Түрікпен әйелді қайнысына алып беруді ұсынады. Келімберді: «бұл әйелді не қыласың?» депті. Келімбердінің жұбайы: «Дәретке отырған жерін көрдім. Әлі бір-екі бала табуға шамасы келеді» деп айтады. Сол Түрікпен әйелді Құдайкеге алып берген соң одан бір ұл туады. Сол Түрікпен әйелден тапқан баланың есімін Түрікпен Адай деп қояды.