Шымкент қаласында Сиқым елінің жігіті Сейтжаппар Нұралы ақынды, Алшын елінен шыққан Қосай тілмаш Мықанды мақтап, бәспен айтыстырады. Нұралы өзінің жолы үлкендігін, білімділігін, жас ақындарға ұстаз екендігін айтады. Мықан: «Мен сізге кесе көлденең келмеп ем, қайта сырттан өзіңіз тиісіпсіз. Жоқ олай емес, бұл жолы шоқтығыңнан алып жөнге салармын», — дейді. Нұралы: «Арқадан ел қыдырып келіп, дәулеттің нәпақасын көріп, азығыңды теріп жүрсің, бай мен манапты мақтап, артынан еріп жүрсің. Күншілдік көрсеткен бақадай болып, жарылып жүрме», — деп ескертеді. «Болыстыққа таласқан жемқорлардың артынан еріп не марқадам ьабасың», — дейді. Он бір буынды қара өлең үлгісімен берілген. Басында, ая,ында қара сөзбен жазылған түсінігі бар.