Шежіре-жыр әдеттегідей Адам атадан бастап тізбектеп келіп, Орта жүз руларына ауысады. Нұржан Орта жүз – Жанарыстан Қарақожаны, Ақтамды, Дәрмомынды, Смағұлды, Қасымқожаны таратып, Дәрмомыннан Қоңырат пен найманды, Смағұл, Қасымқожадан Керей мен Уақты, Ақтамнан Қыпшақты, Қарақожадан Ақжол және Арғынды өрбітеді. Сөйтіп, өзі жақсы білетін Арғын руына айырықша мән беріп, он Мейрамның төрт баласынан тараған руларға келіп шежірені аяқтайды. «Найман, Қоңырат, Керей, Уақ халіменен, Жазарлық бір сөз еді бар керекті…) деп, мұны кейін жазатынын ескертеді. Өкінішке орай, ол шежіре кейінгі ұрпаққа жетпеген. Мәтін Hұржан Наушабайұлының «Манзұмат қазақия» атты кітабынан көшірілген.