Дастанның оқиғасы Адам атадан басталып, төрт патшалық; пешдадилер, кейанилер, ашканилер, сасанилер туралы әңгімеленеді. Әуелгі Шит пайғамбар әулетінен өрбіген патшалар тарихының соңы Иранның Кейқауыс атты патшасы мен Тұранның Афрасиаб деген билеушісінің арасында жалғасады. Шайыр шежіресімен бірге атақты батырлар (Нариман, Сам, Зал, Рүстем, Суһраб, Дарап, т.б.) әулетінің де тарихы кеңінен суреттелген. Дастанның оқиғасы Рүстемнің және оның балалары – Парамұраз, Жиһангермен қызы Кіршаштың Афрасиабтың әскерін жеңіп, той-тойлаумен аяқталады.