Қарға батыр ешқашан ешкімге айтпаған сырын, сүйген жары Гүлсімге қалай үйленгенін баян етті. Мал ұрлауға Сіргелі еліне барып, түнде бір үйдің жанында тұрған екі атты байқайды. Қарға дереу екі атты басқа жерге байлап қояды. Бір қызды ертіп келген жігіт аттарын іздеп кетеді. Қарға жаңағы аттарды қыздың жанына әкеледі, Қыз дереу екінші атқа мініп, жолға щығып кетеді. Ауылдан алысқа шыққан соң ғана қыз басқа адаммен кетіп бара жатқанын ұғады. Түнделетіп қашып бара жатқан қыздың оқиғасы былай екен: қызды жарыместеу байдың баласына бергелі жатыр екен. Одан құтылу үшін қыз басқа жігітпен сөз байласып, түнделетіп қашпақшы болған әрекеті екен. Маңдайыма жазғаны осы болса деп, амал жоқ Қарғамен ілесіп кете береді. Кедей Қарғаның қызды түсіретін үйі де, күйі де жоқ еді. Қалша деген досын табынның батырлары Бұхарбай мен Сейілге жібереді. Сейіл жігіттің назары төмен болмасын деп, мал шығарып, үлкен той жасайды, Қарғаға енші бөліп береді. Қарға елде қалған Гүлсімнің шешесінен кешірім сұрап, дауласқан елден алдынан өтіп, шындықты айтып, сол елге күйеу болып қайтады. Сүйгенімен баянды өмір кешеді.