Исатай ханды шаппақ болып елден қол жинап, жеті мың нөкермен Жасқұс құмында жатады. Сол мезгілде ханмен табыстырмақ болып араға Шыман төре мен тағы басқалар түседі. Бірақ шын мәнісінде бұл уақыттан ұту әрекеті болып шығады. Сол арада Оралдан бес жүз салдат келіп қалады. Қарулы салдаттар зеңбірек пен мылтықтың оғын жаудырады. Исатайдың Дүйін-Баян деген баласынан туған Өтепқалидың 1916 жылғы қозғалысқа қатысқаны, Астрахань түрмесінде жатқаны айтылады.