Жоламан батыр

Қазақ қолжазбаларының жеке сипаттамасы

1. Реестрдің идентификаторы

2. Қолжазбаның атауы (түпнұсқалық атауы)

Жоламан батыр

3. Авторы (Айтушы)

Белгісіз

4. Жинаушы, тапсырушы:

Сәттібаев Алпысбай

5. Қашан, қайда жазылған (қорға түсуі, экспедициясы)

Солтүстік Қазақстан Облысы, Сергеевка ауд., Октябрь орман шаруашылығы қызметкерінен түскен материал 1967 жылы 25 наурызда Алматы қаласында машинкаға терілген. 16.05.1984 жылы қорға түскен.

6. Мекеме (қор иесі)

М.О.Әуезов атындағы Әдебиет және өнер институты

7. Шифры

1019, 1-дәптер.

8. Бет, жол саны, өлшемі

Б.1; П.1 Ж.12. 30х21,5; 8,5х21,5.

9. Материалы (қағазы, сиясы), жағдайы

Мәтін машинкада терілген. Қағаздары аздап сарғайған.

10. Қолжазба графикасы

Кирилл

11. Жанры

Тарихи аңыз

12. Қысқаша мазмұны

Кенесары қырғызды шауып келе жатқанда, абайсызда жолдан Жоламан батырдың бес биесі қосылып кетеді. Өзі келмесе биелердің қайтпасын сезген тоқсан жастағы Жоламан батыр Кенесарының үйіне кеп түседі. «Бұл не қылған шал» деп хан жөн сұрамайды. Сонда Жоламан: – Кенжежан, сен менің жөнімді де сұрауға еріндің-ау, мен сенің бабаң Абылайдың тұсында асық атқан бала едім, әкең Қасымның тұсында қол бастаған дана болдым. Шырағым, сенің тұсыңда бес биеден айырылған Жоламан деген шал едім, − деп қапаланып, бозойнақты ерттетіп беруін сұрайды. Сонда Кенесары орнынан атып тұрып, әкесінің аманаттап кеткен алтын шақшасын табыстайды. Бес биеге жүз жылқы қосып, айдатып апарып салады.

13. Басы:

Кенесары қырғызды шауып келе жатқанда Жоламан батырдың жолдан бес биесі қосылып бірге келеді.

14. Соңы:

Бес биеге 100 жылқы қосып айдатып апарып салған Кенесары.

15. Қосымша мәлімет

16. Сандық көшірменің болуы

17. Сипаттаманы дайындаған:

Насихат Мурсалимова