Жиренше шешен бір адаммен жолға шығыпты. Біраз жүрген соң жол қысқартайық, ат ауыстырайық деген Жиреншені шал жақтырмай, тіл қатпапты. Одан түс кезінде бір адамның өлігін шығарып бара жатқанын көріпті. Жиренше шалдан ана кісінің өлі, тірісін сұрапты. Шал оған жекіріп ашуланыпты. Жол-жөнекей тағы да сұрақ сұрап, шал оны тентек санайды. Үйіне келгенде мән-жайды естіген қыз әкесіне бәрін түсіндіріп береді. «Жол қысқартайық дегені, әңгімемен жол қысқарсын дегені. Ат ауыстырайық дегені, атымызды қайта ерттеп мінейік дегені. Өлген адамды өлі ме, тірі ме дегені артында перзенттері бар ма, жоқ па дегені» деп қызы түсіндіргенде шал Жиреншеден кешірім сұрап, қызын беріпті.
