Құбаханның жалғыз ұлы Тотанға түсінде қайын жұртына аттанатын мезгілдің жеткені, оның жарының есімі Күнікей, әкесі Шынтемір, жолы жеті айшылық екені туралы аян беріледі. Әкесі той жасап, баласын шығарып салады. Тотан жалмауыз кемпірге тап болады, аман қалу үшін Күнікейді әкеліп беруге уәде береді. Жолда ерекше қасиетке ие серіктеріне кездеседі. Қайын жұртында Шынтемірдің шарты бойынша Еділ бойындағы Сахын деген қалмақтың ханын оған бағындырып береді. Серіктерінің көмегімен қызды алып қайтады, жалмауызды өлтіріп, еліне аман-есен оралады. Құбахан үлкен той жасап, баласына хандық билігін тапсырады.