Нұржан Бибісараға ынтық болып, осы айтысты хатпен бастаған. Алғашқы хаттарына қыз жауап қатпайды. Үшінші хатында: «Екеуміз теңбіз, өнер сайысына түсейік. Қорқып бұққаның жөн емес. Бостандықтағы басыңды біреуге байламасаң, әлдекім алып кетер, ол жағын да ойла», — деген адал ойын ақтарады. «Жастық шақ тез өтіп, кетпек, оны ойын мен қызыққа бөлеп өткізейік. Ақ дидарыңды бір көрсет! Сіз бақта сайраған бұлбұлсыз. Мекеніңді көрсет, ендігісін өзің біл», — дейді жас ақын. Махаббат айтысы арқылы бірін-бірі ұнатып, жастар өмірлік жар болуға келісіпті. Он бір буынды қара өлең ұйқасына құрылған.