Жылқыбай жігіт шағында Ақан серімен жолдас болған, Құлагерді бәйгеге апарған сапарларға да бірге барған екен. Сол кездерді еске түсіру әңгімесінде Ол Ақанның ат баптау жайындағы әдетін айтып береді. Ақанның Құлагер ғана емес, басқа да аттары болды. Ақан қашан, қайда жүрсе де аттарын ерекше күтеді, күндіз де, түнде де солардың жанында жүреді. Тіпті, қонған үйлерде жатпай, аттарын жаздыгүні жазық далаға апарып, қыстыгүні маяның іргесінде жатады екен.