Жарамазан

Қазақ қолжазбаларының жеке сипаттамасы

1. Реестрдің идентификаторы

2. Қолжазбаның атауы (түпнұсқалық атауы)

Жарамазан

3. Авторы (Айтушы)

Белгісіз.

4. Жинаушы, тапсырушы:

Жинаушысы: Оразбайқызы Қалқа. Ол туралы мәлімет кездеспеді. Тапсырушы: Саттаров Қыдырәлі (1936-2011) – фольклортанушы, зерттеуші, халық мұрасын жинаушы ғалым. Филология ғылымдарының докторы, профессор. Ол Қазақстанның оңтүстік өңірінен, Өзбекстан аумағындағы қазақтар арасынан халық мұрасын жинауды ұйымдастырған, оларды жүйелеп, бастырып таратқан, ел ішіне насихаттаған. Қ.Саттаров Оңтүстік Қазақстан және Өзбекстанның Ташкент өңіріне бірнеше фольклорлық-этнографиялық экспедициялар ұйымдастырып, оларды басқарды. Ел арасынан жинаған халық әдебиеті үлгілерінің 200 жинақтан тұратын топтамасын М.О.Әуезов атындағы Әдебиет және өнер институтының Қолжазба қорына тапсырған.

5. Қашан, қайда жазылған (қорға түсуі, экспедициясы)

1988 жылы Әмудария жағалауындағы елдімекендерге жасалған экспедиция кезінде жазылған.

6. Мекеме (қор иесі)

М.О.Әуезов атындағы Әдебиет және өнер институты.

7. Шифры

Ш.920/83 (ӘӨИ)

8. Бет, жол саны, өлшемі

Б.2; П.2; Ж.23; 28х18; 22х14

9. Материалы (қағазы, сиясы), жағдайы

Шығарма кеңсе қағазына қара сиямен кирилл әрпінде түсірілген. Қолжазбаның ақауы жоқ. Мәтін әр бетке бір қатардан орналасқан.

10. Қолжазба графикасы

Кирилл әрпі. Еуропа цифрымен беттелген.

11. Жанры

Жарапазан.

12. Қысқаша мазмұны

Мәтінде мұсылманның бес парызының бірі – ораза ерекше дәріптеледі. Алайда өзге мәтіндерге қарағанда өлең ұйқасы, көркемдігі жағынан солғындау. Өлең жолдары жиі қайталанады. Он бір-он екі буынды өлең түрінде айтылады.

13. Басы:

Жарамазан айта келдім есігіңе, Қошқардай қос ұл берсін бесігіңе.

14. Соңы:

Он екі айда бір келген ораза жан, Оразаң қабыл болсын, байекежан!

15. Қосымша мәлімет

Жоқ.

16. Сандық көшірменің болуы

Бар.

17. Сипаттаманы дайындаған:

Ернат Жаманбалинов.