Тоқымбет жасында әкесі өліп, шешесі мен екеуі байлардың малшысы болып күнелтеді. Жігерлі өскен Тоқымбет нағашысы Әлімді іздеп тауып, шешесін сонда қалдырады. Өзі батыр, мерген, әнші жігіт жүйрік ат сатып алып, ел аралап кетеді. Тоқымбет Қаратау бойында бір үлкен тойға кездеседі. Осы тойдағы жүлдені Тоқымбет жеңіп алады. Ол бір байдың Гүләйім атты қызына ғашың болып, нағашысы Әлімге келіп паналайды. Осыған байланысты ел арасында үлкен дау басталады. Тоқымбет қуғыншылардың қолына үш түсіп, өзінің батырлығы мен тапқырлығы арқасында құтылып, Гүләйіммен екеуі Бағаналы Ерден батырға келіп, басынан өткен бар оқиғаны баян етеді. Аға сұлтан Ерден батыр бұларды қарсы алып, жұртты жинап, үлкен той-думан жасап, бастарына отау тігіп, ел қатарына қосады. Сөйтіп екі жас мақсатына жетеді.